Աստանայում «նորմանդական ձևաչափով» գագաթաժողով կազմակերպելը հետաձգվել է մի քանի շաբաթով
Deutsche Welle-ի փոխանցմամբ՝ «նորմանդական ձևաչափի» երկրների (Գերմանիա, Ֆրանսիա, Ռուսաստան ու Ուկրաինա) արտգործնախարարները երեկ Բեռլինում չեն կարողացել հաղթահարել տարաձայնություններն ու պայմանավորվածության գալ հունվարի 15-ին Աստանայում գագաթաժողով գումարելու շուրջ:
Նրանք չեն կարողացել հիմք ստեղծել հունվարի 15-ին Աստանայում Գերմանիայի, Ֆրանսիայի, Ռուսաստանի ու Ուկրաինայի առաջնորդների հանդիպման համար, սակայն փոխարենը որոշել են շարունակել խորհրդակցությունները: Արտգործնախարարների բանակցությունները տևել են չորս ժամ: Հանդիպումից հետո չի կազմակերպվել համատեղ մամլո ասուլիս:
Լրագրողների հետ հանդիպել է միայն Գերմանիայի արտգործնախարար Ֆրանկ Վալտեր Շտայնմայերը, ով հայտարարել է, որ նախկինի նման առկա տարաձայությունները ցույց տվեցին, թե որքան բարդ է Ուկրաինայի հակամարտության քաղաքական կարգավորման հարցում առաջընթաց գրանցելն ու Աստանայում գագաթաժողով կազմակերպելը:
Աստանայում «նորմանդական ձևաչափով» գագաթաժողով կազմակերպելը հետաձգվել է մի քանի շաբաթով:
