Իլհամ Ալիևը հունվարի 15-ին աշխատանքային այցով կմեկնի Անկարա
Ադրբեջանական Turan լրատվական գործակալության փոխանցմամբ՝ Ադրբեջանի նախագահ Իլհամ Ալիևը հունվարի 15-ին աշխատանքային այցով կմեկնի Անկարա: Ալիևը Թուրքիա կմեկնի այդ երկրի նախագահ Ռեջեփ Էրդողանի հրավերով:
Թուրքիայի նախագահի կայքի հաղորդմամբ՝ երկու երկրների նախագահները կհամանախագահեն Թուրք-ադրբեջանական բարձր մակարդակի ռազմավարական համագործակցության խորհրդի 4-րդ նիստում:
Թուրքիայի ու Ադրբեջանի առաջնորդները կքննարկեն երկկողմ համագործակցության հետագա զարգացման հարցը և տարածաշրջանային ու միջազգային հարցերի շուրջ փոխգործակցությունը:
