Սաակաշվիլին պատրաստվում է վերադառնալ Վրաստան
Грузия Online-ի փոխանցմամբ՝ Վրաստանի նախկին նախագահ Միխեիլ Սաակաշվիլին, որի նկատմամբ Վրաստանում հայտարարվել է ներպետական հետախուզում, մտադիր է վերադառնալ հայրենիք: Սաակաշվիլին այս մասին հայտարարել է երեկ, թբիլիսյան «Ռուսթավի 2» հեռուստաընկերության ուղիղ եթերում:
Սաակաշվիլին վստահություն է հայտնել, որ փոփոխվում է աշխարհաքաղաքական իրավիճակը, և ամրապնդվում են իրենց ընկերների դիրքերը, ինչն էլ նպաստելու է Վրաստան իր վերադարձին:
Ընդգծվում է, որ նախորդ տարվա սեպտեմբերին ԱՄՆ-ը Միխեիլ Սաակաշվիլուն մերժել է աշխատանքային վիզայի հարցում, և հետևաբար նա չի կարող քաղաքական ապաստան ստանալ այդ երկրում:
Նախորդ տարվա դեկտեմբերին էլ Սաակաշվիլին հայտարարել էր, որ մերժել է Ուկրաինայի կառավարությունում աշխատելու մասին այդ երկրի նախագահ Պյոտր Պորոշենկոյի արած առաջարկը:
