Կամերունի բանակը երկրի հյուսիսում ոչնչացրել է «Բոկո Հարամի» 143 զինյալի
Ռուսական ТАСС լրատվական գործակալության փոխանցմամբ՝ Կամերունի կառավարական բանակի ջոկատներին երեկ հաջողվել է ոչնչացնել «Բոկո Հարամ» արմատական խմբավորման 143 զինյալի: Դա իրականացվել է Կամերունի հյուսիսում գտնվող Կոլոֆատա քաղաքի վրա ծայրահեղականների կատարած հարձակումը հետ մղելիս:
Այս մասին հայտարարել է Կամերունի տեղեկատվության նախարար, կառավարության պաշտոնական ներկայացուցիչ Իսսա Բակարին: Նրա խոսքերով՝ Կամերունի զինված ուժերը տվել են մեկ սպանված, ևս չորս զինծառայող վիրավորվել է: Բացի այդ, ուժայիններին հաջողվել է տիրել հարձակում գործած արմատականների զգալի զինանոցին:
Կոլոֆատան «Բոկո Հարամի» կողմից հարձակման է ենթարկվել երեկ առավոտյան: Զինյալները Կամերունի տարածք են ներթափանցել հարևան Նիգերիայի տարածքից:
