Կմեծարվեն Հայաստանի լավագույն մարզիկները
Յուրաքանչյուր տարվա վերջում Հայաստանում մեծարվում են երկրի լավագույն մարզիկները եւ մարզաշխարհի ներկայացուիցչները, ովքեր արժանանում են թանկարժեք մրցանակների:
Նախորդ տարի նման երկու շքեղ միջոցառում կազմակերպվեց. առաջինը կազմակերպել էր Սպորտի եւ երիտասարդության հարցերի նախարարությունը Յուրի Վարդանյանի գլխավորությամբ: Նախկին նախարարը տարաձայնություններ ուներ ՀԱՕԿ-ի հետ, ուստի ցանկացալ էր առանձին պարգեւատրել մարզիկներին:
Երկրորդ միջոցառումը կազմակերպել էր ՀԱՕԿ-ը Գագիկ Ծառուկյանի գլխավորությամբ:
Այս տարի պատկերն այլ է, քանի որ Սպորտի եւ երիտասարդության նախարար Գաբրիել Ղազարյանը սերտորեն համագործակցում է ՀԱՕԿ-ի հետ եւ նախկինում էլ աշխատել է հենց այդ կառուցում: Արդյունքում լինելու է մեկ միջոցառում, որը կկայանա դեկտեմբերի 27-ին «Փարավոն» ռեստորանային համալիրում:
Հայաստանի լավագույն 10 մարզիկներին ՀԱՕԿ-ի նախագահը պարգեւատրելու է ավտոմեքենաներով: Լինելու են նաեւ մի շարք այլ պարգեւատրություններ:
Հիշեցնենք, որ Հայաստանի 2014թ. լավագույն մարզիկ է ճանաչվել աշխարհի եւ Եվրոպայի չեմպիոն, հունահռոմեական ոճի ըմբիշ Արթուր Ալեքսանյանը:
