Տրայան Հրիսթեան` բռնության վերջին դեպքերի մասին. «Մենք այդ իրադարձություններն ընդունել ենք ի գիտություն»
Հայաստանում Եվրամիության ներկայացուցչությունն ի գիտություն է ընդունել հայաստանյան ընդդիմադիր մի շարք գործիչներին բռնության ենթարկելու փաստերը, սակայն Եվրամիության պատվիրակության ղեկավար Տրայան Հրիսթեան առայժմ խուսափում է այդ միջադեպերի կապակցությամբ որևէ գնահատական տալուց:
Այսօրվա ասուլիսում դեսպան Հրիսթեան մասնավորապես նշեց. «Մենք այդ իրադարձություններն ընդունել ենք ի գիտություն: Շահագրգիռ անձինք այդ հարցով կապվել են մեզ հետ, բայց այժմ ես կխուսափեմ որևէ գնահատական տալ այդ միջադեպերի կապակցությամբ, որովհետև շատ շուտով Եվրամիության մեր գործընկերների հետ միասին հայտարարություն կհրապարակենք այդ դեպքերի վերաբերյալ»:
