ՀՅԴ-ն չի հասկանում ԱԺ նիստը բոյկոտելու ոչ իշխանական ուժերի քայլը
Ազգային ժողովի արտահերթ նիստը բոյկոտելու ինքնանպատակ կիրառումը ՀՅԴ խմբակցության ղեկավար Արմեն Ռուստամյանը չի հասկանում: Ինչպես լրագրողների հետ զրույցում նշեց Ռուստամյանը, հնարավոր չէ ոչ իշխանական 4 ուժերի` ՀԱԿ-ի, ԲՀԿ-ի, «Ժառանգության» և ՕԵԿ-ի պահանջը բավարարել, քանի որ դա հրավիրող կողմն է որոշում, իսկ արտահերթ նիստը նախաձեռնել է կառավարությունը:
Նա նշեց, որ այսօր ժամը 18:30-ին արտահերթ նիստ է հրավիրվելու և հայտարարությունը մշակված կներկայացվի: Ա. Ռուստամյանի խոսքով՝ իրենց խնդիրն է ոչ թե իրավական, այլ քաղաքական գնահատական տալ. «Սա դատապարտելի է և անընդունելի է պատգամավորի հետ տեղի ունեցածը»:
