Նոր մանրամասներ երեկ Փարաքարի ճանապարհին տեղի ունեցած արտակարգ և խոշոր ավտովթարից. պարզվել է վիրավորների ինքնությունը. shamshyan.com
Հայաստանի քննչական կոմիտեի Երևանի քննչական վարչության հատկապես կարևոր գործերով քննիչ Մանվել Մուրադյանի կողմից նյութերի նախապատրաստման ընթացքում պարզվել է երեկ՝ դեկտեմբերի 14-ին, Երևան-Էջմիածին ավտոճանապարհի Մայրաքաղաքային փողոցում՝ «Ռենեսանս» կահույքի սրահի դիմաց, տեղի ունեցած ավտովթարի հետևանքով վարորդների և վիրավորների ինքնությունը:
Ինչպես հայտնում է ֆոտոլրագրող Գագիկ Շամշյանը, պարզվել է, որ Դաֆ-XF 95 ՏՏ В880 համարանիշի DZ 829 կցորդով բեռնատարը վարել է Վրաստանի Հանրապետության քաղաքացի, Թբիլիսի քաղաքի Տաբիձեի փողոցի բնակիչ, 44-ամյա Գելա Գուրամի Նակաշիձեն, որը ընդհարվել է կայանված վիճակում գտնվող Renault Midliner 230 մակնիշի 34 ՏV 615 համարանիշի ավտոաշտարակ տեսակի ավտոմեքենային:
Պարզվել է, որ վթարի հետևանքով հիվանդանոց են տեղափոխվել ավտոաշտարակի վարորդ, Արագածոտնի մարզի Ուջան գյուղի բնակիչ, 51-ամյա Մարտուն Հարությունյանը և այդ պահին աշխատանքներ կատարող Երևան քաղաքի բնակիչ, 34-ամյա Տիգրան Բաթմաջյանը:
Մանրամասներն՝ սկզբնաղբյուր կայքում:
