Ազատամարտիկները հավաքվել են Եռաբլուրում. նրանք հայտարարություն են ընդունել
Այս պահին Եռաբլուրում տեղի է ունենում ազատամարտիկների դաշինիքի հավաքը: Դաշինքը հրապարակեց իր հայտարարությունը, որով պահանջում է իշխանություններից հետաքննել վերջին օրերին ազատամարտիկների, հասարակական և քաղաքական գործիչների նկատմամբ կիրառված բռնությունների դեպքերը: Ազատամարտիկները նաև պահանջում են պաշտոնանկ անել ոստիկանապետի տեղակալ, ոստիկանության զորքերի հրամանատար գեներալ-լեյտենանտ Լյովա Երանոսյանին և պատասխանատվության ենթարկել նրան:
Ազատամարտիկները որոշել են նաև ստեղծել սեփական կառույցը, որը պետք է զբաղվի իրենց հետագա պայքարի համակարգման աշխատանքներով:
