ՀԱԿ ներկայացուցիչները հանդիպել են դեսպանների հետ
Դեկտեմբերի 12-ին Հայ Ազգային Կոնգրեսի վարչության անդամներ Ավետիս Ավագյանը, Արման Մուսինյանը և Վլադիմիր Կարապետյանը հանդիպել են Հայաստանում Մեծ Բրիտանիայի, Միացյալ Նահանգների և Գերմանիայի դեսպաններ Քեթի Լիչի, Ջոն Հեֆերնի և Ռայներ Մորելի հետ:
Կոնգրեսի մամուլի ծառայության փոխանցմամբ, հանդիպման ընթացքում Կոնգրեսի ներկայացուցիչները դեսպաններին են ներկայացրել Կոնգրեսի փոխնախագահ Արամ Մանուկյանի դեմ կատարված հարձակման հետ կապված մանրամասները և Կոնգրեսի մոտեցումները՝ ինչպես Արամ Մանուկյանի դեմ կատարված, այնպես էլ վերջին շրջանի քաղաքական ահաբեկչությունների դրսևորումների վերաբերյալ:
