Հենրիխ Մխիթարյան. Շատ կարևոր հաղթանակ էր
Հայաստանի հավաքականի եւ «Բորուսիայի» կիսապաշտպան Հենրիխ Մխիթարյանը Գերմանիայի առաջնության 14-րդ տուրում «Հոֆենհայմի» նկատմամբ հաղթանակը նվիրել է Դորտմունդի թիմի երկրպագուներին:
«Շատ կարեւոր հաղթանակ՝ նվիրված մեր երկրպագուներին: Շնորհակալություն հզոր աջակցության համար»,-ֆեյսբուքյան էջում գրել է Մխիթարյանը, ով մեկնարկային կազմում խաղացել էր առանց փոխարինման:
Հիշեցնենք, որ այդ հաղթանակից հետո «Բորուսիան» 14 միավորով ժամանակավորապես հեռացավ վերջին տեղից, սակայն տուրի վերջում կարող է դարձյալ նահանջել:
