Զեյթունում տեղի ունեցած սպանության հանգամանքները պարզվում են

Դեկտեմբերի 1-ին, ժամը 13.50-ին, շտապօգնության ենթակայանից ոստիկանության Քանաքեռ-Զեյթունի բաժնում հաղորդում է ստացվել, որ Երևանի Դ.Անհաղթի փողոցում գտնվող հյուրանոցի մոտից կանչ է ստացվել, և մեկնած խումբը պարզել է, որ անհայտ անձը դանակահարված ու մահացած է:

Մեկնած օպերատիվ խումբը հիշյալ հյուրանոցի 1-ին հարկում հայտնաբերել է 1965 թ. ծնված Գառնիկ Պողոսյանի դին` կրծքավանդակի ձախ մասում կտրած-ծակած վերքով:

Ոստիկանության ծառայողները, սպանությունը կատարելու կասկածանքով, Երևանի Կ.Ուլնեցու և Դ.Անհաղթ փողոցների խաչմերուկից ժամը 16.00-ին բերման են ենթարկել 1968 թ. ծնված Արմեն Յ.-ին, որը տվել է խոստովանական ցուցմունք:
Արմեն Յ.-ն ձերբակալված է:

Հանցագործության գործիք դանակն առգրավված է:

Հանգամանքները պարզվում են:

Կատարվում է քննություն:

Լուսանկարը՝ Գագիկ Շամշյանի:

ՀՀ ոստիկանություն