Ոստիկանությունը խոստանում է բազմակողմանի հիմնավորումներով ներկայացնել ոստիկանությունում քաղաքացուհու նկատմամբ գործադրված անօրինականությունների մասին
Արդեն քանի օր է՝ Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցը տարբեր լրատվամիջոցներով լուրեր է տարածում, թե Վանաձորի ոստիկանությունում անօրինական գործողություններ են ձեռնարկվել մի երիտասարդ քաղաքացուհու նկատմամբ:
Նկատի ունենալով, որ սույն տեղեկությունը կանխակալ և անառողջ արձագանքների առիթ է տվել՝ հիշեցնենք, որ ոստիկանության պետի հանձնարարությամբ ներքին անվտանգության վարչությունն ուսումնասիրում է այդ հայտարարության հանգամանքները, և ոստիկանությունն առաջիկայում, պահպանելով անմեղության կանխավարկածը, հանդես կգա բազմաբնույթ ու բազմակողմանի հիմնավորումներով՝ ներկայացնելով իրողության ոչ կանխակալ, օբյեկտիվ և ամբողջական պատկերը:
ՀՀ ոստիկանություն
