Նարինե Մկրտչյանի կոչը ՀՀ քաղաքացիներին

ՀՀ քաղաքացիներ,
Հայրենակիցներ,
Հայ ժողովուրդ,
Բախտորոշ պատմական պահ է. Մայր Հայրենիքին պարտադրում են ենթարկվել ռուսական ծավալապաշտական ծրագրերին, որով, ըստ էության, կորսվում է պատմական հայրենիքի վերջին կտորի վրա ստեղծած հայոց փխրուն պետականությունը:

Հանուն պետականության՝ Ժամանակն է ե՛տ մղել մեր պետության ու ժողովրդի դեմ ուղղված նենգ ծրագրերը:

Հանուն մեր ժողովրդի իրավունքների՝ Ժամանակն է կանխե՛լ մի խումբ բախտախնդիր ղեկավարների՝ ԵՏՄ-ին միանալու խայտառակ ձեռնարկը:

Հայրենիքի բախտը պետք է տնօրինենք մենք՝ ՀՀ քաղաքացիներս:

Հանուն մեր սերունդների ազատ կյանքի՝ Ժամանակն է վճռական  լինել պաշտպանելու հայոց անկախ պետականությունը ոտնձգություններից:

Թույլ չտանք ԵՏՄ  խայտառակ պայմանագրի վավերացումը Ազգային ժողովում և սատարենք հայրենանվեր պատգամավորներին այդ պայքարում: Դա մեր պարտքն է մեր հայրենիքի և սերունդների առջև:

Կո՛չ եմ անում ձեզ այսօր՝ դեկտեմբերի 1-ին, ժամը 12-ին եկե՛ք Ազգային ժողովի մուտքի մոտ՝ թույլ չտալու, որ  հայոց անկախ պետությունը դրվի զոհասեղանին:

Եկեք ապացուցենք,

– որ մեր նախնիների մաքառումն իզուր չի անցել,

– որ հայի ազատատենչ ոգին արթուն է,

– որ հայը չի հանձնվում,

– որ մենք ենք մեր Հայրենիքի տերը:

Եկե՛ք, խմբվենք, ուս-ուսի կանգնենք Հանուն Հայրենիքի:

Եկե՛ք եղբայրներ և քույրեր:

Հիշենք՝ Հայրենիքի ազատության համար պայքարը օրհնված է:

Ազգային ժողովի մուտքի մոտ՝ այսօր՝ դեկտեմբերի 1-ին, ժամը 12-ին:

 01.12.2014թ.