Ամերիկացիները «սև ուրբաթի» ընթացքում ծախսել են 9 միլիարդ դոլար
Ամերիկյան Associated Press լրատվական գործակալության փոխանցմամբ` ամերիկացիները «սև ուրբաթի» (նախաամանորյա խոշոր զեղչերի սեզոն) ընթացքում ծախսել են 9 միլիարդ դոլար: Այս տվյալները ներկայացրել է Shopper Track հետազոտական գործակալությունը: Դա 7 տոկոսով ավելի պակաս է` համեմատած նախորդ տարվա հետ:
Գործակալության տվյալներով` ամերիկացիների մեծ մասը նախընտրել է Գոհաբանության օրն անցկացնել իրենց ընտանիքների հետ: Դրա հետ կապված` մի շարք խանութների տերեր որոշել են վաճառքի ժամկետը երկարաձգել մի քանի ժամով: Սրանից առաջ հաղորդվել էր, որ «սև ուրբաթի» ընթացքում ստացվել են զենք գնելու բազմաթիվ հայտեր:
