Ռուսաստանը ոչ թե մեր ռազմավարական գործընկերն է, այլ`մեր ռազմավարական խնդիրը. Տուսկ
Բրիտանական Financial Times թերթի փոխանցմամբ` Լեհաստանի նախկին վարչապետ Դոնալդ Տուսկը, ով դեկտեմբերին գլխավորելու է Եվրոխորհուրդը, Ռուսաստանն անվանել է «ռազմավարական խնդիր».
«Ռուսաստանի ու Պուտինի համար այսօր ԵՄ-ը խնդիր է: Մենք պետք է հասկանանք, և կարծում եմ, որ մոտ ենք դրան, որ Ռուսաստանը մեր ռազմավարական գործընկերը չէ: Ռուսաստանը մեր ռազմավարական խնդիրն է:
Աշխարհում Ռուսաստանի շուրջ մթնոլորտը վատթարանում է, ինչի վկայությունը դարձավ Ավստրալիայում տեղի ունեցած G20-ի գագաթաժողովի ժամանակ Պուտինի հանդեպ վերաբերմունքը»:
Դեկտեմբերին Տուսկի նախագահությամբ տեղի է ունենալու ԵՄ-ի առաջին գագաթաժողովը, որի ուշադրության կենտրոնում է գտնվելու Ուկրաինայի արևելքում տիրող իրավիճակը:
