Ադրբեջանն ու Պակիստանը պայմանավորվել են բարձրացնել ռազմական համագործակցության մակարդակը
Ադրբեջանական Trend լրատվական գործակալության փոխանցմամբ՝ Ադրբեջանն ու Պակիստանը համաձայնության են եկել երկու երկրների զինված ուժերի միջև համագործակցության մակարդակը բարձրացնելու հարցում:
Համաձայնությունը ձեռք է բերվել Ադրբեջանի պաշտպանության նախարար Զաքիր Հասանովի ու Պակիստանի շտաբների պետերի կոմիտեի նախագահ, գեներալ Ռաշադ Մահմուդի հանդիպման ժամանակ:
Հանդիպման ժամանակ քննարկվել են երկկողմ համագործակցության ու տարածաշրջանային անվտանգության հարցերը: Զաքիր Հասանովը երկօրյա այցով Պակիստան է մեկնել երեկ:
