Կրեմլը երաշխիք է պահանջում, որ Ուկրաինան չի անդամակցի ՆԱՏՕ-ին
BBC News-ին տված հարցազրույցի ժամանակ Ռուսաստանի նախագահի մամլո քարտուղար Դմիտրի Պեսկովը հայտարարել է, որ Ռուսաստանին անհարաժեշտ է 100 տոկոսանոց երաշխիք, որ որևէ երկիր չի մտածում ՆԱՏՕ-ին Ուկրաինայի անդամակցելու մասին:
Պեսկովի խոսքերով՝ Ռուսաստանի սահմանների մոտ ՆԱՏՕ-ի ուժերի մոտենալը Մոսկվային հարկադրել է մտահոգվել և ձեռնարկել զգուշավորության հավելյալ միջոցներ.
«Մենք ցանկանում ենք լսել, որ ՆԱՏՕ-ն դադարեցնում է իր մերձեցումը ռուսական սահմաններին, որ ՆԱՏՕ-ն դադարեցնում է ուժերի հավասարակշռությունը խախտելու փորձերը: Սակայն դժբախտաբար մենք չենք լսում դա»:
