ԵՄ-ը որոշել է ընդլայնել Ուկրաինայի անջատողականների դեմ պատժամիջոցները
Ռուսական ТАСС լրատվական գործակալության փոխանցմամբ՝ ԵՄ-ի անդամ երկրների արտգործնախարարները պայմանավորվել են ընդլայնել Ուկրաինայի անջատողականների դեմ պատժամիջոցները: ԵՄ-ի արտաքին քաղաքական ծառայությանը հանձնարարվել է համապատասխան ցուցակը պատրաստել մինչև նոյեմբերի վերջ:
Այս մասին նշված է ԵՄ-ի Խորհրդի կայքում տեղ գտած փաստաթղթում: ԵՄ-ի անդամ երկրների արտգործնախարարները պայմանավորվել են հետագայում նույնպես չճանաչել Ղրիմի անցումը Ռուսաստանին: Նրանց օրակարգում չի եղել Ռուսաստանի դեմ տնտեսական նոր պատժամիջոցներ սահմանելը: ԵՄ-ն Ուկրաինայի անջատողականների դեմ առաջին պատժամիջոցները սահմանել է այս տարվա ապրիլի 29-ին:
