Արմեն Աշոտյանը կմասնակցի Եվրոպական ժողովրդական կուսակցության քաղաքական վեհաժողովի նիստին

Եվրոպական ժողովրդական կուսակցության քաղաքական վեհաժողովի հերթական նիստին մասնակցելու նպատակով Հայաստանի Հանրապետության կրթության և գիտության նախարար, Հայաստանի Հանրապետական կուսակցության փոխնախագահ Արմեն Աշոտյանը մեկնել է Բրյուսել։ Այս մասին տեղեկացրել է նախարարի մամուլի քարտուղար Զոհրապ Եգանյանը։ 

Արմեն Աշոտյանը երկօրյա արձակուրդում է և նոյեմբերի 17-ից 18-ը մասնակցելու է կուսակցական միջոցառման, այնուհանդերձ հնարավոր են հանդիպումներ և քննարկումներ Եվրամիության կրթության պատասխանատուների հետ։