Դոնբասի հատուկ կարգավիճակը կվերացվի առաջնահերթ կերպով. Տուրչինով
Ուկրաինական UNIAN լրատվական գործակալության փոխանցմամբ՝ Ուկրաինայի Գերագույն ռադայի նախագահ Ալեքսանդր Տուրչինովը վստահություն է հայտնել, որ Դոնբասի հատուկ կարգավիճակի մասին օրենքը չեղյալ կհայտարարվի նոր գումարման խորհրդարանի կողմից:
Տուրչինովն ընդգծել է, որ Գերագույն ռադայի նոր կազմի առաջին քայլերից մեկը հանդիսանալու է Դոնբասի հատուկ կարգավիճակի մասին օրենքի չեղյալ հայտարարումը: Սրանից առաջ հաղորդվել է, որ Գերագույն ռադայի առաջին նիստը կարող է տեղի ունենալ ձմռան առաջին օրը՝ դեկտեմբերի 1-ին:
Նոյեմբերի 2-ին ինքնահռչակ ԴԺՀ-ում ու ԼԺՀ-ում անցկացված ընտրություններից հետո Ուկրաինայի նախագահ Պյոտր Պորոշենկոն հայտարարեց, որ անհրաժեշտ է վերացնել Դոնբասի հատուկ կարգավիճակը:
