Մայա Փանջիկիձեն հրաժարական է տվել և լքում է «Վրացական երազանքի» շարքերը
Грузия Online-ի փոխանցմամբ՝ այսօր հրաժարական է տվել Վրաստանի արտգործնախարար Մայա Փանջիկիձեն: Այդ մասին նա հայտարարել է երկրի ԱԳՆ-ում կազմակերպված հատուկ ճեպազրույցում:
Փանջիկիձեի հետ միասին իրենց պաշտոնները լքել են Վրաստանի փոխարտգործնախարարներ Դավիթ Զալկալիանին, Թամար Բերուչաշվիլին ու Դավիթ Ջալագանիան: Փանջիկիձեն ընդգծել է, որ լքում է նաև «Վրացական երազանք» դաշինքի շարքերը:
Զալկալիանին իր հերթին հայտարարել է, որ կարիերիստ դիվանագետ չէ, և երբեք չի փոխել իր սկզբունքները, որոնք մասնավորապես վերաբերում է Վրաստանի արևմտյան կուրսին ու ժողովրդավարությանը, որոնք գլխավոր գործոններ են իր համար:
