«Իսլամական պետության» զինյալները մահապատժի են ենթարկել Ռուսաստանի քաղաքացու
Ամերիկյան The New York Times թերթի փոխանցմամբ՝ «Իսլամական պետության» զինյալները մահապատժի են ենթարկել ռուսաստանցի ինժեներ Սերգեյ Գորբունովին: Նա Սիրիայի Ռաքքահ քաղաքում պահվում էր այլ երկրների պատանդների հետ միասին:
Հոկտեմբերի 25-ին ամերիկյան թերթը գրել էր ծայրահեղականների կողմից պատանդներին կտտանքների ենթարկելու մասին՝ ընդգծելով, որ զինյալներն առևանգել են 12 երկրի առնվազն 23 ներկայացուցչի: Նրանց պահում էին Ռաքքահ քաղաքից ոչ հեռու գտնվող ստորգետնյա բանտում:
Զինյալները մտադիր են եղել փրկագին ստանալ նրանց հարազատներից՝ սպառնալով, որ կսպանեն պատանդներին, եթե նրանց հարազատներն օգնության դիմեն:
