Օլանդն ու Ալիևը քննարկել են «Հարավային գազային միջանցքի» իրագործման հարցը
Ադրբեջանական Azertag լրատվական գործակալության փոխանցմամբ՝ այսօր Փարիզում տեղի է ունեցել Ֆրանսիայի ու Ադրբեջանի նախագահների երկկողմ հանդիպումը:
Հանդիպման ժամանակ կողմերը քննարկել են երկու երկրների միջև հարաբերությունները և գոհունակություն են հայտնել դրանց մակարդակի կապակցությամբ:
Կողմերն ընդգծել են օդատիեզերական արդյունաբերության, ռազմատեխնիկական ոլրտում, կրթության և այլ ոլորտներում համագործակցության զարգացման հեռանկարների առկայությունը:
Քննարկվել են նաև «Հարավային միջանցք» էներգետիկ նախագծի իրագործման հարցը և Ղարաբաղյան հակամարտության կարգավորման շուրջ բանակցային ընթացիկ գործընթացը:
Ադրբեջանական կողմը հայտնում է, որ արդեն իսկ կայացել է նաև Հայաստանի ու Ֆրանսիայի նախագահների հանդիպումը, իսկ եռակողմ հանդիպումը կկայանա այսօր երեկոյան:
