Յագլանդը զգալի արդյունքներ է ակնկալում Ադրբեջանում քաղբանտարկյալների ազատ արձակման հարցում
Ադրբեջանական Turan լրատվական գործակալության փոխանցմամբ՝ Եվրոպայի Խորհրդի գլխավոր քարտուղար Թյորբոռն Յագլանդը դրականորեն է գնահատել իշխանությունների ու քաղաքացիական հասարակության ներկայացուցիչների մասնակցությամբ Ադրբեջանում մարդու իրավունքների գծով համատեղ աշխատանքային խմբի վերաստեղծումը և համաներման մասին վերջին հրամանը:
Դրա հետ մեկտեղ նա կոչ է արել ազատ արձակել մեծաթիվ մյուս քաղբանտարկյալներին, այդ թվում նաև REAL շարժման առաջնորդ Իլգար Մամեդովին: Յագլանդն Ադրբեջանում վերոնշյալ աշխատանքային խմբի առաջին նիստը գնահատել է, որպես Ադրբեջանում մարդու իրավունքների շուրջ ներկայիս իրավիճակի բարելավման ուղղությամբ կատարված քայլ:
Յագլանդն ընդգծել է, որ առաջին դրական քայլը եղել է նախորդ շաբաթ Ադրբեջանի նախագահի հրամանով 80 դատապարտյալների թվից 4 իրավապաշտպանի ազատ արձակումը:
