Ադրբեջանցի զինվորականներին բացատրել են, թե ինչպես շփվել մամուլի հետ
Ադրբեջանական Trend լրատվական գործակալության փոխանցմամբ՝ Ադրբեջանում ստեղծվել է «Զինված ուժերում ԶԼՄ-ների ներկայացուցիչների հետ աշխատանք կազմակերպելու համար ցուցում»: Համապատասխան որոշումն ընդունել է Ադրբեջանի պաշտպանության նախարար, գեներալ Զաքիր Հասանովը:
Ադրբեջանի պաշտպանության փոխնախարար, գեներալ Քերիմ Վելիևը հայտարարել է, որ այն առնչվում է մամուլի հետ փոխգործակցությանը, ռազմական օբյեկտներ ԶԼՄ-ների ներկայացուցիչներին մտնելու հատուկ թույլտվությանը և այլն: Վելիևը հայտարարել է, որ առանձին են դիտարկված Ադրբեջանի զինված ուժերի մասին տեղեկատվության աղբյուրները:
Վելիևի խոսքերով՝ լրագրողները հաճախ «թույլ են տալիս» տեղեկատվական սխալներ՝ Ադրբեջանի զինված ուժերի մասին պատմելիս օգտագործելով հայկական աղբյուրներ, և որ այժմ հնարավոր կլինի խուսափել նման բաներից:
