Որո՞նք են գյումրեցի երիտասարդների առաջնահերթ խնդիրները (տեսանյութ)
tsayg.am-ը գրում է. Գյումրու «Երիտասարդական նախաձեռնությունների կենտրոն» հ/կ-ն «Գյումրու երիտասարդական խորհուրդ» ոչ ֆորմալ փորձագիտական խմբի և Լիտվայի «Քաղաքականության հետազոտության ու վերլուծության ինստիտուտի” հետ համատեղ իրականացնում է “Գյումրու երիտասարդական քաղաքականության զարգացում” հետազոտական ծրագիրը:
Վերջինիս նպատակն է ուսումնասիրությունների և վերլուծությունների արդյունքում բացահայտել Գյումրու երիտասարդների շրջանում առկա առանահերթ խնդիրները, զարգացնել տեղական երիտասարդական քաղաքականությունը` օգտագործելով այն հիմնական փաստաթուղթ:
Ծրագիրն իրականացնողների կարծիքով, երիտասարդական խնդիրներով զբաղվող կազմակերպությունները պետք է գործեն ոչ թե առանձին-առանձին, այլ միասնական: Միայն այդ եղանակով է հնարավոր ունենալ մշակված մեխանիզմներ` երիտասարդական հարցերին լուծում տալու համար:
Ծրագրի շրջանակներում միջազգային փորձագետների կողմից կանցկացվի տեղական փորձագետ-հետազոտողների վերապատրաստման 5-օրյա դասընթաց: Ծրագիրն իրականացվում է Նորվեգիայի Թագավորության դեսպանատան աջակցությամբ:
