Մենք աբխազների ու օսերի հետ կապրենք միասնական երկրում. Մարգվելաշվիլի
Новости-Грузия լրատվական գործակալության փոխանցմամբ՝ Վրաստանի նախագահ Գեորգի Մարգվելաշվիլին հայտարարել է, որ Վրաստանն ու Ռուսաստանն ունեն չլուծված հարցեր, սակայն իրենք երկխոսություն են սկսել այն հարցերի շուրջ, ուր հնարավոր է համագործակցություն.
«Վրաստանը երբեք չի հաշտվի Աբխազիայի ու Հարավային Օսիայի օկուպացիայի հետ, սակայն կան հարցեր, որոնց շուրջ կարելի է համագործակցել Ռուսաստանի հետ: Եվ մենք սկսել ենք ինտենսիվ երկխոսություն՝ թեև ապաօկուպացման հարցը դեռ լուծված չէ: Վրաստանի ինքնիշխանության ու տարածքային ամբողջականության վերականգնումը չունի այլընտրանք:
Դա պետք է իրականացվի չափազանց խաղաղ ճանապարհով: Մենք ցանկանում ենք աբխազ ու օս ժողովուրդների հետ խաղաղ ինտեգրում: Ես վստահ եմ, որ դա կպահանջի ժամանակ, սակայն ամեն դեպքում տեղի կունենա: Մենք աբխազների ու օսերի հետ կապրենք միասնական երկրում»:
