Իրանի նախագահը հետաքրքրվել է Վրաստանի տնտեսական նախագծերով. Փանջիկիձե
Грузия Online-ի փոխանցմամբ՝ Վրաստանի արտգործնախարար Մայա Փանջիկիձեն պատմել է վրացական պատվիրակության իրանական այցի ժամանակ Իրանի նախագահի հետ հանդիպման մասին: Նրա խոսքերով՝ հանդիպման ժամանակ կողմերը քննարկել են բազմաթիվ կարևոր հարցեր:
Փանջիկիձեն ընդգծել է, որ հանդիպումը կայացել է իրանական կողմի խնդրանքով. «Հանդիպումը շատ հետաքրքրիր ու կարևոր էր: Իրանի նախագահը հիմնականում հետաքրքրվել է Վրաստանի տնտեսական նախագծերով: Նրան հետաքրքրել է նաև Վրաստանի գործառույթը՝ որպես տարանցիկ երկիր, և այդ պոտենցիալի օգտագործումն Իրանի հետ հաղորդակցության համար:
Ներկա փուլում չի պլանավորվում վարչապետի այցն Իրան: Ինչ վերաբերում է տնտեսական հարաբերությունների հաստատմանը, ապա մենք շատ լավ տնտեսական հարաբերություններ ունենք հարևան բոլոր երկրների հետ»:
