Ինչո՞ւ Մարզահամերգային համալիրն այլև չի կոչվում Կարեն Դեմիրճյանի անունով և ինչո՞ւ են աշխատակիցները կրում զինվորական համազգեստ
Մարզահամերգային համալիրն այլևս չի կոչվում Կարեն Դեմիրճյանի անունով: Այս մասին այսօր լրագրողների հետ հանդիպման ժամանակ ասաց Մարզահամերգային համալիրի մամուլի և հասարակայնության հետ կապերի բաժնի պատասխանատու Կորյուն Գրիգորյանը:
«Երբ ընթանում էր սեփականաշնորհումը՝ շատ մեծ աղմուկ բարձրացավ, թե կսեփականաշնորհեք, անվանումը կփոխեք և այլն: Պետականացումից հետո՝ պետությունն անմիջապես հանեց Կարեն Դեմիրճյանի անվանումը, արդեն կոչվում է Ծիծեռնակաբերդի մարզահամերգային համալիր»,-ասաց նա:
Կորյուն Գրիգորյանն ասուլիսին ներկայացել էր զինվորական համազգեստով, երբ լրագրողները հարցրին՝ ինչո՞ւ զինվորական համազգեստով, նա պատասխանեց.
«Մարզահամերգային համալիրին տվել են զորամասի կարգավիճակ: Ստիպված ենք արդեն համազգեստով աշխատել: ԴԱՀԿ-ը մարզահամերգային համալիրը հանձնել է ոչ թե Պաշտպանության նախարարությանը, այլ Ֆինանսների նախարարությանը, բայց հիմա ամեն ինչ գտնվում է ՊՆ ձեռքի տակ: Բան չենք հասկանում՝ ի՞նչ է կատարվում ընդհանրապես»:
