Մամեդյարովն ու Նուլանդը Նյու Յորքում քննարկել են ԼՂ-ի հարցը
Ադրբեջանական Turan լրատվական գործակալության փոխանցմամբ` Ադրբեջանի արտգործնախարար Էլմար Մամեդյարովը Նյու Յորքում ՄԱԿ ԳԱ-ի 69-րդ նստաշրջանի շրջանակներում հանդիպել է ԱՄՆ պետքարտուղարի` Եվրոպայի ու Ասիայի հարցերով օգնական Վիկտորյա Նուլանդի հետ:
Այս մասին հայտնել է Ադրբեջանի ԱԳՆ-ի մամլո ծառայությունը: Հանդիպման ժամանակ կողմերը քննարկել են երկկողմ հարաբերություններն ու երկկողմ այցերը: Քննարկվել է նաև Ղարաբաղյան հակամարտության կարգավորման հարցը, ինչպես նաև փոխադարձ հետաքրքրության կենտրոնում ընկած հարցեր:
Երկու օր առաջ ԱՄՆ նախագահ Բարաք Օբաման քննադատել էր Ադրբեջանին` քաղաքացիական հասարակությանը ճնշելու համար: Սակայն Ադրբեջանի ԱԳՆ-ի մամլո ծառայության տարածած հայտարարության մեջ ոչինչ նշված չէ Մամեդյարովի ու Նուլանդի հանդիպման ժամանակ տվյալ հարցի քննարկման մասին:
