Իրակլի Գարիբաշվիլին Նյու Յորքում հանդիպել է Բարաք Օբամայի հետ
Грузия Online-ի փոխանցմամբ՝ Վրաստանի վարչապետ Իրակլի Գարիբաշվիլին Նյու Յորքում հանդիպել է ԱՄՆ նախագահ Բարաք Օբամայի հետ: Այս մասին լրագրողների հետ զրույցում հայտարարել է Վրաստանի արտգործնախարար Մայա Փանջիկիձեն:
Վերջինիս խոսքերով՝ Գարիբաշվիլին ԱՄՆ նախագահի հետ զրուցելու հնարավորություն է ստացել Բարաք Օբամայի անունից կազմակերպված ընդունելության ժամանակ:
Փանջիկիձեն ընդգծել է, որ դա եղել է սովորական հանդիպում, որին ներկա են գտնվել ավելի քան 200 երկրների պատվիրակությունների ղեկավարներ ու միջազգային կազմակերպությունների ներկայացուցիչներ.
«Այսինքն, դա չի եղել երկկողմ հանդիպում՝ չնայած նրան, որ վարչապետը հնարավորություն է ստացել մի որոշ ժամանակ զրուցել ԱՄՆ նախագահի հետ: Նրանք զրուցել են ընդհանուր թեմաների ու Վրաստանում ընթացող գործընթացների մասին»:
