Վարդան Այվազյանի հորդորը Նարեկ Սարգսյանին. Եթե մեկին աշխատանքի եք վերցնում, պարտավորություն վերցրեք, որ նախորդի աշխատանքի համար պատասխանատվություն է կրելու
Այսօր ԱԺ տնտեսական հարցերի մշտական հանձնաժողովում Վերահսկիչ պալատի 2013թ. զեկույցի քաղաքաշինության ոլորտի վերաբերյալ հատվածի քննարկման ժամանակ հարցերին պատասխանելու համար հրավիրեց Քաղշիննախարարության ԾԻԳ-ի պետ Հրայր Սարգսյանը, որը, մոտենալով բարձրախոսին, անմիջապես հայտարարեց, թե պաշտոնը զբաղեցնում է 2012 թվականից և նախորդ ժամանակաշրջանում կատարվածից տեղյակ չէ:
ԱԺ հանձնաժողովի նախագահ Վարդան Այվազյանը դիմեց նախարար Նարեկ Սարգսյանին. «Ես Ձեզ մաղթում եմ երկար պաշտոնավարում, բայց մի խորհուրդ՝ եթե մեկին աշխատանքի եք վերցնում, պարտավորություն վերցրեք, որ նախորդի աշխատանքի համար պատասխանատվություն է կրելու: Այլապես մի վերցրեք աշխատանքի»: Հակառակ դեպքում, ըստ Այվազյանի, ստացվում է, որ 3 ամիսը մեկ կարող է մարդ փոխվել և ոչ մեկ պատասխանատվություն չի կրի:
