Ռուսաստանում բանկ թալանելու կասկածանքով ձերբակալել են Հայաստանի 4 քաղաքացու
Ռուսական РИА Новости լրատվական գործակալության փոխանցմամբ՝ Մերձմոսկովյան շրջանում ձերբակալվել է Հայաստանի 4 քաղաքացի, որոնց կասկածում են Կալուգայի մարզում բանկի վրա ավազակային հարձակում ձեռնարկելու և 18 միլիոն ռուբլի հափշտակելու մեջ:
Այս մասին այսօր հայտնել է ՌԴ ՆԳՆ-ը: Իրավապահների տվյալներով՝ կողոպուտն իրականացվել է այս տարվա օգոստոսին: Տվյալ գործով ձերբակալված հայերի տարիքը կազմում է 36-44 տարեկան: Իրավապահները խուզարկության ժամանակ կասկածյալների մոտ հայտնաբերել են տրավմատիկ ատրճանակ, հեռախոսներ, սիմ քարտեր ու ռադիոկապ:
Հարուցվել է քրեական գործ «Կողոպուտի մասին» հոդվածով: Ռուսական օրենսդրության համաձայն, կասկածյալներին սպառնում է մինչև 15 տարվա ազատազրկում:
