Ղուրբան բայրամի ժամանակ Ռուսաստանում կկազմակերպվի ապօրինի ներգաղթյալների «որս»
Ռուսական Известия թերթի փոխանցմամբ՝ մուսուլմանական Ղուրբան բայրամ (Զոհաբերության տոն) տոնի ժամանակ, որն այս տարի նշվելու է հոկտեմբերի 4-ին, Ռուսաստանի իրավապահ մարմիններն ընտրողաբար ստուգելու են կասկածելի անձանց փաստաթղթերը՝ այդ թվում նաև ապօրինի ներգաղթյալներ հայտնաբերելու համար:
Այս մասին հայտարարել է Ռուսաստանի Մուֆթիների խորհրդի փոխնախագահ Ռուշան Աբյասովը: Նրա գնահատականներով, ակնկալվում է, որ տոնական աղոթքներին, որոնք կկազմակերպվեն 5 մզկիթում ու 3 հավելյալ հրապարակում, կմասնակցի 150.000-200.000 մարդ:
Նա մանրամասնել է, որ մեծ քանակությամբ մուսուլմանների պատճառով չի ստացվի կազմակերպել անաձնագրային տոտալ վերահսկողություն: Միգրացիոն դաշնային ծառայության տվյալներով, ներկայումս Ռուսաստանում բնակվում ու աշխատում է ավելի քան 4.3 միլիոն ապօրինի ներգաղթյալ:
