Իրանի տարբեր քաղաքներում անցկացվում են զորահանդեսներ
Իրանական IRINN հեռուստաալիքի փոխանցմամբ` այսօր Իրանի տարբեր քաղաքներում` ներառյալ Թեհրանը, անցկացվում են զորահանդեսներ` նվիրված «Սրբազան պաշտպանության շաբաթի» մեկնարկին:
1980 թվականից սկսած` ամեն տարի Իրան-իրաքյան պատերազմի սկսման օրն Իրանում մեկնարկում է «Սրբազան պաշտպանության շաբաթը»: 1980 թվականի սեպտեմբերի 22-ին Իրանա-իրաքյան պատերազմը սկսվեց իրաքյան բանակի կողմից իրանական Խուզեստան նահանգի վրա հարձակմամբ:
Պատերազմն ավարտվեց 1988 թվականի օգոստոսի 20-ին հրադադարի մասին համաձայնագրի ստորագրմամբ: Երկու երկրների սահմանները փոփոխության չենթարկվեցին:
