«Իսլամական պետության» զինյալները 48 ժամում Սիրիայի հյուսիսում գրավել են 60 գյուղ
France-Presse լրատվական գործակալության փոխանցմամբ՝ «Իսլամական պետություն» խմբավորման զինյալները վերջին երկու օրվա ընթացքում 60 գյուղ են գրավել Սիրիայի հյուսիսում ՝ Թուրքիայի սահմանի մոտ: Այս մասին հայտարարել է Մարդու իրավունքների դիտարկման սիրիական կենտրոնը:
Վերջինիս ղեկավար Ռամի Աբդել Ռահմանը հայտարարել է, որ զինյալները 48 ժամում գրավել են 60 գյուղ, իսկ քրդական ինքնապաշտպանական ուժերը, հայտնվելով գերակա ուժերի հարձակմանը, հարկադրված են եղել նահանջել: ԱՄՆ-ն օգոստոսի սկզբից արդեն 170 հարձակում են իրականացրել Իրաքում զինյալների դիրքերին:
Սեպտեմբերի 18-ին Իրանի նախագահ Հասան Ռոուհանին քննադատել էր ԱՄՆ-ին՝ «Իսլամական պետության» դեմ ցամաքային գործողություն իրականացնելուց հրաժարվելու համար: Ռոուհանիի կարծիքով՝ ամերիկացիներին չի հաջողվի զինյալների դեմ հաղթանակի հասնել միայն ավիահարվածներով:
