Թուրքիան չի ճանաչում Ղրիմում անցկացված ընտրությունները
Թուրքական Anadolu լրատվական գործակալության փոխանցմամբ՝ Թուրքիայի ԱԳՆ-ը հայտարարություն է տարաածել՝ կապված օգոստոսի 14-ին Ղրիմում խորհրդարանական ու ՏԻՄ ընտրությունների անցկացման հետ:
Թուրքիայի ԱԳՆ-ի խոսնակ Թանժու Բիլգիչը հայտարարել է, որ Թուրքիան ապօրինի է համարում Ղրիմում անցկացված այդ ընտրությունները և չի ճանաչում դրանք: Բիլգիչն ընդգծել է, որ իրենք դատապարտում են Ղրիմի թաթարների դեմ ուղղված գործողությունները և կոչ են անում անմիջապես վերջ դնել դրանց:
