«Ալ-Քաիդան» Իրաքի ու Սիրիայի զինյալներին կոչ է արել միավորվել ԱՄՆ-ի դեմ
France-Presse լրատվական գործակալության փոխանցմամբ՝ «Ալ-Քաիդան» Իրաքի ու Սիրիայի զինյալներին կոչ է արել միավորվել՝ ԱՄՆ-ի դեմ պայքարելու համար: «Ալ-Քաիդան Արաբական թերակղզում» ու «Ալ-Քաիդան իսլամական Մաղրիբի երկրներում» կազմակերպությունների տարածած համատեղ հայտարարությունում Սիրիայի ու Իրաքի «իրենց եղբայրներին» կոչ է արվում դադարեցնել միմյանց սպանելը և միավորվել ընդդեմ ամերիկյան կամպանիայի, որը սպառնում է բոլոր իրենց:
Ավելի վաղ հաղորդվել էր, որ «Ալ-Քաիդան» մասնաճյուղ է հիմնել Հնդկաստանում, որը կոչված է ջիհադի դրոշը բարձրացնել Հարավային Ասիայի երկրներում:
