Իրանի ու «Վեցյակի» միջև բանակցային հերթական փուլը Նյու Յորքում կանցկացվի սեպտեմբերի 18-26-ին
Ռուսական ИТАР-ТАСС լրատվական գործակալության փոխանցմամբ՝ Ռուսաստանը միտված է Իրանի ու «Վեցյակի» միջև բանակցությունների հերթական փուլն արդյունավետորեն ավարտելուն, որը սեպտեմբերի 18-26-ին տեղի է ունենալու Նյու Յորքում: Այս մասին ՄԱԿ ԱԽ-ի նիստում հայտարարել է ՄԱԿ-ում Ռուսաստանի մշտական ներկայացուցչի տեղակալ Ալեքսանդր Պանկինը:
Նրա խոսքերով՝ Ռուսաստանն իր կողմից շարունակելու է անել իրենից կախված ամեն բան, որպեսզի վերջնական լուծում տրվի Իրանի միջուկային ծրագրի խնդրին և վերացվեն ՄԱԿ ԱԽ-ի համապատասխան բանձևերով Թեհրանի դեմ սահմանված պատժամիջոցները:
Ավելի վաղ հաղորդվել էր, որ Իրանն ու «Վեցյակը» պայմանավորվել են իրանական միջուկային ծրագրի վերաբերյալ համապարփակ համաձայնագիր ստորագրել մինչև ընթացիկ տարվա նոյեմբերի 24-ը:
