Թուրքիան սեփական արտադրության առաջին կործանիչը կստեղծի մինչև 2023 թվականը
Airnewstimes թերթի փոխանցմամբ՝ Թուրքիան հայրենական արտադրության առաջին կործանիչ TF-X-ը կստեղծի մինչև 2023 թվականը (Թուրքիայի Հանրապետության հիմնադրման 100-ամյակ): Այս մասին հայտարարել է Թուրքիայի Պաշտպանական արդյունաբերության քարտուղարության խորհրդական Իսմայիլ Դեմիրը:
Նրա խոսքերով՝ հայրենական առաջին կործանիչի նախագծումը Թուրքիայի առաջնահերթություններից մեկն է: Դեմիրն ընդգծել է, որ ներկայումս երկրում իրականացվում են կործանիշը նախագծելու նախնական աշխատանքներ: Չի բացառվում, որ կործանիչի մշակման հարցում Թուրքիային օգնի Հարավային Կորեան:
