Իսրայելը հրաժարվել է ռազմական տեխնիկա վաճառել Ուկրաինային՝ կապված Ռուսաստանի հետ
France Presse լրատվական գործակալության փոխանցմամբ՝ Իսրայելը հրաժարվել է Ուկրաինային սպառազինություն, այդ թվում նաև անօդաչու թռչող սարքեր (ԱԹՍ) մատակարարելու մասին առաջարկից՝ վախենալով Ռուսաստանի հետ հարաբերությունները վատթարացնելուց:
Սրանից առաջ Ուկրաինայի իշխանությունների նեկայացուցիչները ռազմական տեխնիկա գնելու նպատակով այցելել էին Իսրայել: Չի հաղորդվում, թե երբ են անցկացվել համապատասխան բանակցությունները, և թե իսրայելական կողմը երբ է մերժել ուկրաինական կողմի խնդրանքը:
Իսրայելի ՊՆ-ը տվել է իր համաձայնությունն Ուկրաինային Aeronautics ընկերության արտադրության ԱԹՍ-եր վաճառելուն, սակայն Իսրայելի ԱԳՆ-ն արգելափակել է տվյալ գործարքը՝ խուսափելու համար Մոսկվայի հետ հարաբերությունների վատթարացումից: Իսրայելի ԱԳՆ-ի ներկայացուցիչները չեն մեկնաբանում այդ տեղեկատվությունը:
