Դևիդ Քեմերոնը շոտլանդացիներին խոստացել է «ցավոտ բաժանում»
France-Presse լրատվական գործակալության փոխանցմամբ՝ Մեծ Բրիտանիայի վարչապետ Դևիդ Քեմերոնը շոտլանդացիներին խոստացել է «ցավոտ բաժանում», եթե նրանք սեպտեմբերի 18-ին կայանալիք հանրաքվեի ժամանակ քվեարկեն Միացյալ թագավորությունից Շոտլանդիայի անկախության օգտին:
Քեմերոնը սեպտեմբերի 15-ին այցելել է Շոտլանդիայի Աբերդին քաղաք և հայտարարել է, որ առաջիկա հանրաքվեի մասին ընդունված որոշումը չի ստացվի չեղյալ հայտարարել, և եթե երկիրը մասնատվի, ապա դրանից հետո պետություններից յուրաքանչյուրը պետք է հավերժ գնա իր ճանապարհով:
Նա Շոտլանդիայի կառավարությանը մեղադրել է բնակիչներին ճշմարտությանը չհամապատասխանող հրաշալի ապագա խոստանալու մեջ. «Ես չեմ ցանկանում, որ Շոտլանդիայի մարդկանց վաճառեն երազանք, որը չքանալու է:
Եթե շոտլանդացիները քվեարկեն անջատման օգտին, ապա դա կասկածի տակ կդնի նրանց արժույթը, թոշակներն ու զինված ուժերը, ինչպես նաև ազատ տեղաշարժը»: Շոտլանդիայում անկախության հանրաքվեն նշանակված է սեպտեմբերի 18-ին:
