ՆԱՏՕ-ի երկրները սկսել են զենք մատակարարել Ուկրաինային
Ռուսական РИА Новости լրատվական գործակալության փոխանցմամբ` ՆԱՏՕ-ի երկրները սկսել են զենք մատակարարել Ուկրաինային: Այս մասին ուկրաինական «Հինգերորդ հեռուստաալիքի» եթերում հայտարարել է Ուկրաինայի պաշտպանության նախարար Վալերի Գելետեյը: Նրա խոսքերով` այդ գործընթացը մեկնարկել է, և որ դա հենց այն ուղին է, որով անհրաժեշտ է գնալ:
Սեպտեմբերի 7-ին Ուկրաինայի նախագահ Պյոտր Պորոշենկոյի խորհրդական Յուրի Լուցենկոն հայտարարել էր, որ Ուելսում տեղի ունեցած ՆԱՏՕ-ի գագաթաժողովում պայմանավորվածություն է ձեռք բերվել արևմտյան մի շարք երկրներից զենքի մատակարարումների մասին: Հետագայում նա հերքել էր իր այդ հայտարարությունը:
