Ուղղումներ չեն կատարվելու ԵՄ-ի հետ Ասոցացման համաձայնագրի տեքստում. Պորոշենկո
Интерфакс-Украина-ի փոխանցմամբ` Ուկրաինայի նախագահ Պյոտր Պորոշենկոն հայտարարել է, որ ուղղումներ չեն կատարվելու ԵՄ-ի հետ Ասոցացման համաձայնագրի տեքստում:
Այս մասին նա հայտարարել է Եվրահանձնաժողովի նախագահ Ժոզե Մանուել Բառոզուի հետ հանդիպումից հետո կազմակերպված մամուլի ասուլիսի ժամանակ. «Հունիսի 27-ին Բրյուսելում իմ ստորագրած տեքստից որևէ բացառում, որևէ փոփոխություն չի լինելու»:
Պորոշենկոն ընդգծել է, որ ԵՄ-ի հետ Ասոցացման համաձայնագիրը վավերացվելու է սեպտեմբերի 15-ին: Նա խոստացել է ներկայացնել այդ համաձայնագրի շրջանակներում կատարվելիք բարեփոխումների ծրագիրը: Պորոշենկոն հավելել է, որ Բառոզուի հետ քննարկել է ազատ առևտրի գոտու ստեղծման հարցն ու Ուկրաինային ֆինանսական օգնություն հատկացնելու հարցը:
