Բարեփոխումներ անելու համար ժամանակին գրեթե աղաչում էինք Ասադին. Դավութօղլու
Haberler.com կայքի փոխանցմամբ` Թուրքիայի վարչապետ Ահմեթ Դավութօղլուն հայտարարել է, որ Սիրիայի նախագահ Բաշար Ասադի վարչակարգի հետ ՆԱՏՕ-ի երկրների մերձեցումը կարող է բացասականորեն ազդել Սիրիայում տիրող իրավիճակի վրա և հանգեցնել նրան, որ սիրիական ընդդիմադիր խմբերը մերձենան «Իսլամական պետություն» արմատական խմբավորման հետ:
Դավութօղլուն հիշեցրել է, որ իրենք ժամանակին Սիրիայի նախագահին քանիցս կոչ են արել սկսել բարեփոխումներ. «Մեր կոչերը հնչել են 8-9 ամիս: Սակայն մեզ չլսեցին: Մենք գրեթե աղաչում էինք Ասադին, սակայն նա չանսաց մեզ: Դամասկոսի հետ համագործակցությունը կարող է վտանգավոր լինել:
Եթե Սիրիայում փորձեն ստեղծել Եգիպտոսի նման ավտորիտար վարչակարգ, ապա այդ դեպքում Թուրքիան դեմ կլինի դրան: Ես չեմ տեսնում, որ Թուրքիայի տարածաշրջանային քաղաքականությունում լինի որևէ սխալ: Ողջ խնդիրը միջազգային վստահության դեֆիցիտի մեջ է»:
