Նշանակվել են ՀՀ քննչական կոմիտեի նախագահի տեղակալները
ՀՀ Նախագահն այսօր հրամանագրեր է ստորագրել՝ Հայաստանի Հանրապետության քննչական կոմիտեի նախագահի տեղակալներ նշանակելու մասին:
Արամ Թամազյանն ազատվել է Հայաստանի Հանրապետության գլխավոր դատախազի տեղակալի պաշտոնից՝ նշանակվելով Հայաստանի Հանրապետության քննչական կոմիտեի նախագահի տեղակալի պաշտոնում:
Արմեն Հարությունյանն ազատվել է Հայաստանի Հանրապետության պաշտպանության նախարարության քննչական ծառայության պետի պաշտոնից՝ նշանակվելով Հայաստանի Հանրապետության քննչական կոմիտեի նախագահի տեղակալի, զինվորական քննչական գլխավոր վարչության պետի պաշտոնում:
Նախագահի նույն օրվա այլ հրամանագրերով Վահագն Հարությունյանը նշանակվել է Հայաստանի Հանրապետության քննչական կոմիտեի նախագահի տեղակալի, հատկապես կարևոր գործերի քննության գլխավոր վարչության պետի պաշտոնում, իսկ Արթուր Ղամբարյանը՝ Հայաստանի Հանրապետության քննչական կոմիտեի նախագահի տեղակալի պաշտոնում:
