Անգելա Մերկելը կողմ է Ռուսաստանի դեմ պատժամիջոցների ընդլայնմանը
Associated Press լրատվական գործակալության փոխանցմամբ՝ Գերմանիայի կանցլեր Անգելա Մերկելը հանդես է գալիս Ռուսաստանի դեմ պատժամիջոցների նոր փաթեթի գործարկման օգտին: Այդ մասին նա հայտարարել է Գերմանիայի խորհրդարանում ունեցած ելույթում.
«Մենք աջակցում ենք պատժամիջոցների հրապարակմանը, և ես հուսով եմ, որ որոշումը կընդունվի շուտով: Պատժամիջոցները չեն մտնի ուժի մեջ, քանի դեռ չեն հրապարակվել: Ուկրաինայում իրավիճակը բարելավվել է, սակայն խաղաղության պլանի պայմանների կատարման հարցում չկա հստակություն»:
Սրանից առաջ էլ Մերկելը հայտարարել էր, որ մտադիր է շարունակել Ռուսաստանի դեմ պատժամիջոցների գիծը, թեկուզև դա վնասի Գերմանիային, քանի որ անգործությունը միայն նպաստել է հակամարտության հետագա սրացմանը:
