Իլհամ Ալիևը հանդիպել է Իսրայելի պաշտպանության նախարարի հետ
Вестник Кавказа լրատվական գործակալության փոախանցմամբ՝ Իսրայելի պաշտպանության նախարար Մոշե Յաալոնն այսօր պաշտոնական այցով ժամանել է Ադրբեջան:
Նա վաղը Բաքվում ներկա կգտնվի Ադրբեջանի ՊՆ-ի նախաձեռնած ADEX-2014 պաշտպանական արդյունաբերության միջազգային ցուցահանդեսի բացման արարողակարգին:
Բացի այդ, Իսրայելի պաշտպանության նախարարի խորհրդականը հայտնել է, որ Մոշե Յաալոնն արդեն իսկ բավական կարևոր ու արդյունավետ հանդիպում է ունեցել Ադրբեջանի նախագահ Իլհամ Ալիևի հետ:
Յաալոնի ադրբեջանական այցի ծրագրում մտնում են նաև Ադրբեջանի պաշտպանության նախարար Զաքիր Հասանովի, արտգործնախարար Էլմար Մամեդյարովի ու կառավարության այլ անդամների հետ հանդիպումները: Յաալոնը հանդիպելու է նաև Ադրբեջանի հրեական համայնքի անդամների հետ:
Ընդգծվում է, որ Իսրայելի պաշտպանության նախարարն առաջին անգամ է գտնվում Բաքվում:
