Ամերիկյան օդուժն օգոստոսից 153 ավիահարված է հասցրել Իրաքում զինյալների դիրքերին
Gazeta.ru-ի փոխանցմամբ՝ ԱՄՆ-ի ռազմաօդային ուժերը «Իսլամական պետություն» խմբավորման դեմ պայքարում ընդհանուր առմամբ 153 ավիահարված են հասցրել Իրաքում զինյալների դիրքերին: Այս մասին նշված է ԱՄՆ զինված ուժերի Կենտրոնական հրամանատարության կայքում:
Ընդհանուր առմամբ, գործողության ժամանակ ոչնչացվել է «Իսլամական պետության» 8 տրանսպորտային միջոց, որոնցից երկուսը փոխադրում էին հրետանի: «Իսլամական պետության» զինյալների դիրքերին ամերիկյան ավիահարվածները մեկնարկել են օգոստոսին:
Սրանից առաջ Իրաքը ողջունել է «Իսլամական պետության» դեմ պայքարի շրջանակներում միջազգային կոալիցիա ստեղծելու մասին ԱՄՆ նախագահ Բարաք Օբամայի պլանը:
